БА «НУРАФЗО» ВА «ТОҶАМ» ИҶОЗАТНОМА ДОДА ШУД

                   Душанбе, 29 апрел. (АМИТ «Ховар», Лаззат Диловарзод).- Бино ба иттилои сардори Сарраёсати геологии назди Ҳукумати ҷумҳурӣ Азим Иброҳимов, ба комиссияи коршиносии Кумитаи андози Ҷумҳурии Тоҷикистон лоиҳаҳои 50 шартномаи маъданковӣ пешниҳод гардид, ки ба 5-тои он шартнома баста шудааст.                   Аз ҷумла барои корҳои геологии ҷустуҷӯӣ ба ҶММ «Нурафзои ширин» барои кашфи кони ангишти «Сурхоб» ва ҶММ «ТоҷАм» (Точикистон Америка) барои дар майдони «Патари ҷанубӣ», «Работи Шимолии — Патар», «Тағойкӯчӣ» ва «Хамирҷӯй» кашфи нафту газ иҷозатнома (литсензия) дода шуд.