БАРРАСИИ МАСЪАЛАИ БЕҲТАР СОХТАНИ ТАРБИЯИ КАДРҲОИ НИЗОМӢ ДАР МАСКАВ

                 Маскав, 23 апрел. (АМИТ «Ховар», Ҳалима Хушқадамова). — Имрӯз дар Маскав маҷлиси коршиносони вазоратҳои мудофиаи мамлакатҳои аъзои Созмони аҳдномаи амнияти дастаҷамъӣ баргузор мегардад. Иштирокчиёни маҷлис самтҳои афзалиятноки ҳамкориро дар соҳаи беҳтар сохтани тарбияи кадрҳои низомӣ барои давлатҳои аъзои созмон дар мактабҳои олии низомии Русия муҳокима мекунанд. Инчунин, талаботи умумии тахассусӣ ба таълими ихтисосии донишҷӯёни мактабҳои олии ҳарбии мамлакатҳои аъзои созмон мавриди баррасӣ қарор дода мешавад.                Намояндагони Белорусия ва Қазоқистон дар бораи таҷрибаи ташкили машғулиятҳои муштараки хизматчиёни ҳарбии давлатҳои аъзои созмон дар мактабҳои низомии мамлакатҳояшон маълумот медиҳанд. Маҷлиси мазкур мувофиқи нақшаи машваратҳои намояндагони давлатҳои аъзои созмон баргузор мегардад.                                                                  Тарҷумон — Қудратов А.