БИНОҲОИ НАВ БУНЁД МЕШАВАНД

                  Душанбе, 17 апрель (АМИТ «Ховар», Мавзуна Бойева). — 17 апрель дар Агентии сохтмон ва меъмории назди Ҳукумати Ҷумҳурии Тоҷикистон нишасти матбуотӣ баргузор гардид. Директорӣ агенти Абдувалӣ Комилов дар бораи лоиҳаи биноҳо ва корхонаю муассисаҳое сухан ронд, ки дар давоми се моҳи аввал соли 2009 таҳия карда шудаанд.                   Вай зикр намуд, ки мутахассисони Агентии сохтмон ва меъмори дар ин муддат, лоиҳаи навсозии бинои собиқ Кумитаи Ҳизби коммунистии ноҳияи Ишкошим, лоиҳаи студияи телевизион дар шаҳри Хоруғ, лоиҳаи меҳмонхона барои 50 нафар дар маркази ноҳияи Тоҷикобод, лоиҳаи Беморхонаи марказии нохияи Ҷиргатол, нақшаи таъмири асосӣ ва ободонии гирду атрофи КВД «Точикмидсервис», «Маркази савдо ва чорабиниҳо дар кучаи Айнии шаҳри Душанбе», бинои 12 қабатаи истиқоматӣ бо маркази савдо ва саломатӣ дар чорсӯӣ кӯчаҳои А.Навоӣ ва Б.Ғафурови шаҳри Душанбе, Корхонаи кабели дар шаҳри Душанбе ва ғайраро тартиб дода, барои муҳокима ва мувофиқа ба ташкилоту идораҳои дахлдор фиристодаанд.