БУНЁДИ ЗАБОН БА ҶАШНИ 20-СОЛАГИИ ҚАБУЛИ ҚОНУНИ ЗАБОН ОМОДАГӢ МЕГИРАД

              Душанбе, 3 апрел.(НИАТ «Ховар», Марзия Саидова).- Ба истиқболи 20-солагии ҷашни Истиқлолияти Ҷумҳурии Тоҷикистон ва 20-умин солгарди қабули қонуни забони тоҷикӣ Бунёди байналмилалии забони тоҷикӣ (форсӣ) силсилаи чорабиниҳоро таҳррезӣ кард.              Назар ба иттилои раиси Бунёди байналмилалии забони тоҷикӣ Усмон Назир, дар робита ба ин ҷашнҳои бузург дар пойтахт бо иштироки шахсиятҳои шинохтаи кишвар як катор чорабиниҳои фарҳангӣ, бахусус конфронсу нишастҳо роҷеъ ба рушду арҷгузории забону фарҳанги миллӣ гузаронида мешавад.              Бояд тазаккур дод, ки Бунёди байналмилалии забони тоҷикӣ (форсӣ) ташкилоти ҷамъиятӣ -фарҳангӣ буда, 20-сол муқаддам бо кӯшишҳои зиёиёни равшанфикри кишвар бо мақсади ҳифз ва густариши забони миллии тоҷикон таъсис дода шудааст.