БУЗУРГДОШТИ МЕРОС ВА РУШДИ ФАРҲАНГИ МУОСИР

                   Душанбе, 27 апрел. (АМИТ «Ховар», Лутфия Эшонқулова).- Бо ташаббуси Вазорати фарҳанги Ҷумҳурии Тоҷикистон 28 апрел дар Донишкадаи давлатии санъати Тоҷикистон ба номи Мирзо Турсунзода, бахшида ба Соли бузургдошти Имоми Аъзам дар мавзӯи «Бузургдошти мерос ва рушди фарҳанги муосир» конференсияи илмӣ -назариявӣ доир мегардад.                   Дар он ректори Донишкадаи санъат, муаллимон, профессорон ва донишҷӯён дар бораи шахсият ва мақоми иҷтимоӣ, бунёди фарҳангшиносии мероси Имоми Аъзам маърӯза хоҳанд кард.                   Ҳамчунин, дар бахшҳои дигари конфронс мавзӯҳои бахшида ба соҳаҳои театршиносӣ, сарояндагии донишҷӯён, тасвири образ бо сухан, мусиқӣ ва вазъи маданияти сиёсии мардуми ҷумҳурӣ дар замони ҳозира, сиёсат ва муносибатҳои демографӣ дар Тоҷикистон, рушди иқтисодии Тоҷикистон ва ғайраҳо муҳокима мешаванд.                  Дар ин бора ба АМИТ «Ховар» аз маркази матбуоти Вазорати фарханг хабар доданд.