ЧАРО ҚУРБИ ДОЛЛАР БОЗ БОЛО РАФТ?

                  Душанбе, 28 апрел. (АМИТ «Ховар», Бекназари Абӯбакр). — Дар давоми рӯзҳои охир қурби миёнаи хариду фурӯши доллари ИМА тамоюли баландшавӣ дошта, ба ҳисоби миёна 4,0850-4,1050 сомониро ташкил дод. Ҳамчунин, қурби миёна аз рӯи амалиёти рубли русӣ ва евро низ тағйир ёфта, мутаносибан 0,1179-0,1203 ва 5,1985-5,2019 сомониро ташкил дод.                   Аз маркази матбуоти Бонки миллии Тоҷикистон ба АМИТ «Ховар» иттилоъ доданд, ки зиёдшавии талабот ба доллари ИМА ва баланд шудани қурби он бештар аз ҳама ба тағйирёбии вазъ ва шартҳо дар бозорҳои байналхалқии молиявӣ ва мол, фаъолияти сусти иқтисодии хориҷии кишвар, вобаста аст.                  Тамоюли номбурда хосияти кӯтоҳмуддатӣ дошта, айни замон дигаргуншавии талабот ва пешниҳод дар бозори дохилии асъор ба мушоҳида мерасад, ки он ба мӯътадилшавии қурби мубодилавӣ мусоидат хоҳад кард.