ДАР ҚӮРҒОНТЕППА АВВАЛИН МАТБААИ ХУСУСӢ КУШОДА ШУД

                Қӯрғонтеппа,22 апрел. (АМИТ «Ховар», Мурод Сотиев). Дар шаҳри Қӯрғонтеппа матбааи нав кушода шуд. Дар маросими ифтитоҳи корхонаи навбунёд раиси вилояти Хатлон Ғайбулло Авзалов ширкат варзид. Раиси вилоят қайд кард, ки ин аввалин матбааи хусусӣ дар вилояти Хатлон аст. «Бо кушода шудани матбааи нав нашрияҳои вилоятиву ноҳиявӣ имконияти дар ҳамин ҷо чоп кардани рӯзномаҳоро пайдо мекунанд»-қайд кард раиси вилояти Хатлон Ғайбулло Авзалов.                Дар навбати худ роҳбарияти матбааи навтаъсис ба АМИТ «Ховар» иттилоъ дод, ки алҳол корхона имконияти хуби техникӣ дошта дорои таҷҳизоти замонавӣ мебошад. Имрӯз корхона имконият дорад, ки ба ғайр аз чопи рӯзномаҳо ҳамзамон дигар корҳои чопиро иҷро намояд.