ДАР НОҲИЯИ ҶОМӢ 4 ҲАЗОР ҶОИ НАВИ КОРӢ ТАЪСИС ДОДА МЕШАВАД

             Қӯрғонтеппа, 30 апрел.(АМИТ «Ховар», Мурод Сотиев). Дар яке аз ноҳияи калонтарини вилояти Хатлон — Абдураҳмони Ҷомӣ, ки аграрӣ ба ҳисоб меравад, тасмим гирифтанд, ки ҷойҳои кории иловагӣ таъсис дода шавад.             Раиси ноҳияи ба номи Абдураҳмони Ҷомӣ Умедхӯҷа Зоиров иттилоъ дод, ки ташкили ҷойҳои нави корӣ аз муҳимтарин масъалаҳое буданд, ки мақомоти ноҳия ба онҳо диққати махсус дода, дар давоми семоҳаи соли ҷорӣ дар ноҳия 5 ярмаркаи чойҳои холии корӣ гузаронида шудааст. Дар натиҷа 133 нафар бо ҷои кори доимӣ таъмин гардиданд.  Ҳамзамон имкониятҳои мавҷударо истифода бурда, 782 ҷойҳои нави корӣ таъсис дода шудаанд. Дар назар аст, то охири сол 4 ҳазор ҷойҳои нави корӣ таъсис дода шавад.