ДАР СУҒД АЗ ҚУРБОНИЁНИ САДАМАИ ЧЕРНОБИЛ ЁД МЕКУНАНД

              Душанбе, 11 апрел. (АМИТ «Ховар», Бекназари Абӯбакр). — Дар қаламрави вилояти Суғд даҳаи сеюми моҳи апрел Рўзи ёдбуди иштирокчиён ва бартарафкунандагони садамаи истгои барқии атомии Чернобил доир хоҳад шуд. Бо ин мақсад раиси вилояти Суғд Қоҳир Расулзода қарори махсусро ба тасвиб расонид.               Роҳбари маркази иттилоот ва таҳлили дастгоҳи раиси вилоят Илҳом Ҷамолов ба мухбири АМИТ «Ховар» иттилоъ дод, ки ҳадафи аслии қарори мазкур қадршиносӣ аз ҷасорату мардонагии иштирокчиён ва посдории хотираи қурбониёни бартарафкунии садамаи Чернобил мебошад.               Мувофиқи қарори мазкур барои баргузории чорабиниҳои Рўзи ёдбуди иштирокчиён ва бартарафкунандагони садамаи истгоҳи барқии атомии Чернобил аз ҳисоби фонди захиравии раиси вилояти Суғд 7 ҳазору 350 сомонӣ ҷудо шудааст.