ДАР ТОҶИКИСТОН ДОРОИҲОИ НИЗОМИ БОНКӢ МЕАФЗОЯНД

               Душанбе, 10 апрел. (АМИТ «Ховар», Бекназари Абӯбакр). — Тибқи маълумотҳои фаврӣ дороиҳои ташкилотҳои қарзӣ дар давоми семоҳаи аввали соли равон ба 6 303,0 миллион сомонӣ баробар шуд, ки ин нисбат ба ҳамин давраи соли гузашта 0,6 фоиз зиёд мебошад.               Дар Бонки миллии Тоҷикистон ба мухбири АМИТ «Ховар» иттилоъ доданд, ки дороиҳои бонкҳо ва ҷамъиятҳои қарзӣ 3 920 миллион сомонӣ, ташкилоти молиявии ғайрибонкӣ 2 039 миллион сомонӣ ва дороиҳои ташкилотҳои маблағгузории хурд 344 миллион сомониро ташкил дод.                Мавриди зикр аст, ки дар ин давра дар ҷумҳурӣ 121 ташкилоти қарзӣ, аз ҷумла 12 бонк, 7 ҷамъияти қарзӣ, як ташкилоти молиявии ғайрибонкӣ ва 101 ташкилоти маблағгузории хурд фаъолият мекунанд.  Шумораи бонкҳо, ҷамъиятҳои қарзӣ, ташкилотҳои молиявии ғайрибонкӣ тағйир наёфта, теъдоди ташкилотҳои маблағгузории хурд 8 адад зиёд гардидааст.