ДАР ВИЛОЯТИ СУҒД МУАССИСАҲОИ НАВИ ИҶТИМОӢ СОХТА МЕШАВАНД

              Душанбе, 10 апрел. (АМИТ «Ховар», Наргис Бояхмедова). — Бо қарори Раиси вилояти Суғд Қоҳир Расулзода барои сохтмон ва тармиму таҷдиди силсилаи муассисаҳои иҷтимоӣ дар ноҳияи Ашт ва шаҳри Табошар 245 ҳазор сомонӣ ҷудо карда шуд. Аз ин маблағ сад ҳазор сомонӣ барои сохтмони бинои нави мактаби миёнаи рақами 20 — и ноҳияи Ашт сарф карда мешавад. Мактаби мазкур 40 сол пеш сохта шуда буд ва айни ҳол кӯҳнаю фарсуда гардидааст. Бинои нави мактаб соли оянда ба истифода дода мешавад. Аз маблағи ҷудогардида, 145 ҳазор сомонӣ барои тармими ду мактаб ва Қасри фарҳанги шаҳри Табошар сарф карда хоҳад шуд.