ДОРУСОЗОНИ ҶАВОН ДАР ТЕҲРОНУ РАШТ ТАҶРИБА МЕОМӮЗАНД

                 Душанбе, 22 апрел.(АМИТ «Ховар», Марзия Саидова).- Гурӯҳи 20 нафараи донишҷӯёни соли панҷуми бахши дорусозии Донишгоҳи Давлатии тиббии Тоҷикистон ба номи Абӯалӣ ибни Сино ба Эрон рафт.                   Онҳо муддати як моҳ дар муассисаҳои дорусозии шаҳрҳои Теҳрон ва Рашт давраи коромӯзиро гузашта, таҷрибаи худро дар ин соҳа мукаммал мегардонанд. Ҳамзамон, бо дастовардҳои дорусозии ин кишвар ошно мегарданд.                 Аз Сафорати Эрон дар Душанбе ба АМИТ «Ховар» иттилоъ доданд, ки ин иқдом дар асоси тавофуқномаи ҳамкорӣ, ки байни Вазорати тандурустии Тоҷикистон ва Вазорати беҳдошти дармон ва омӯзиши пизишкии Эрон ба имзо расидааст, амалӣ шуд.