ФОНДИ БОЗГАШТИ ТУХМИ ҶУВОРИМАККА

                  Душанбе, 15 апрел. (АМИТ «Ховар», Лаззат Диловарзод).- Тибқи малумоти фаврии Раёсати тухмипарварии Вазорати кишоварзӣ, то 10-уми апрели соли ҷорӣ дар хоҷагиҳои кишоварзии ҷумҳурӣ ба миқдори 165 тонна тухмии ҷуворимакка дар майдони 6369 гектар кишт карда шуд.Миқдори фонди бозгашти тухмии ҷуворимакка 247,5 тонна буда, то имрӯз ба миқдори 193,6 тоннаи он ба Вазорати кишоварзӣ баргардонида шудааст, ки 78,2 фоизро ташкил медиҳад.                  Боиси тазаккур аст, ки хоҷагиҳои вилояти Суғд дар кишти ҷуворимакка пешсафанд. Дар ин вилоят дар майдони 1407 гектар кишти ҷуворимакка гузаронида шудааст. Миқдори фонди бозгашти тухмии ҷӯворимакка ба миқдори 100 фоизи нақша иҷро гардидааст.