ИМТИЁЗҲОИ СОҲИБКОРОНИ ХУСУСӢ БЕКОР КАРДА ШУДАНД

                Хуҷанд, 6 апрел. (АМИТ «Ховар», Санавбар Мақсудова). — Бо қарори раиси шаҳри Хуҷанд имтиёзҳои соҳибкорони хусусӣ дар мавриди пардохти андози фурӯши чаканаи мол, аз ҷумла, орд, равған ва гази фишурда бекор карда шуд. Дар ин бора муовини аввали раиси шаҳр Домуллоҷон Ҷабборов хабар дод. Ин тадбир бо мақсади муҳайё сохтани шароит барои сари вақт ғанитар гардондани буҷет андешида шуд, гуфт вай.                 Ба қавли Д.Ҷабборов, аз ҷумла, соҳибкорон зимни фурӯши навъҳои гуногуни нон ва маҳсулоти чопӣ аз пардохти андоз озод карда шуданд. Инчунин, аҳолии шаҳр барои истифодаи гази табиӣ ва қувваи барқ андоз намесупорад. Бояд гуфт, ки гурӯҳи камбизоати сокинони шаҳр аз пардохти андози молҳои ғайриманқул ба куллӣ озод карда шуданд.