ИСТЕҲСОЛИ МАҲСУЛОТИ КИШОВАРЗӢ ЗИЁД

                   Душанбе, 23 апрел. (АМИТ «Ховар», Лаззат Диловарзод). Бино ба иттилои муовини аввали вазири кишоварзӣ Раҳмоналӣ Амиров, дар семоҳаи соли ҷорӣ дар ҳама шаклҳои хоҷагидорӣ ҳаҷми умумии маҳсулоти кишоварзӣ 383,3 миллион сомониро ташкил дод, ки нисбат ба ҳамин давраи соли гузашта 8,7 фоиз зиёд аст.                   Дар семоҳаи авали соли ҷорӣ дар ҳама шаклҳои хоҷагидорӣ 18971 тонна гӯшт, 113863 тонна шир 44 млн. 727 дона тухм истеҳсол гардид, ки дар маҷмӯъ нисбат ба ҳамин давраи соли гузашта мутаносибан 1239, 5153 ва 1 млн. 692 ҳазору 700 дона тухм зиёд аст.                  Вазорат бо мақсади ноил шудан ба натиҷаҳои боз ҳам баландтари истеҳсолӣ гурӯҳи корӣ ташкил дод. Гурӯҳи корӣ дар ноҳияҳо ба хоҷагидорон ёрии амалии методӣ мерасонанд ва оид ба истифодаи маблағҳои қарзӣ семинарҳо мегузаронанд.