КӮМАК БА МОДАРОН

                Душанбе, 13 апрел. (АМИТ «Ховар», Ибодат Давлатова). — Ба шаҳру ноҳияҳои вилояти Суғд Лоиҳаи оид ба тандурустии заминавӣ ва ҷамоавӣ тақсимоти 20 000 бастаҳои хӯрокаро, ки аз 3 кг орд, 3 литр равғани растанӣ ва 3 кг қанд иборат аст, ба занони ҳомила ва кӯдаки ширхорадошта тақсим намуд.                Тавре ба мухбири АМИТ «Ховар» ҳамоҳангсоз бо ҷомеа ва васоити ахбори омма Лайли Ахмадова иттилоъ дод, маводи хӯрокаро Ташкилоти ғайридавлатӣ, намояндагони ҷамоатҳо бо иштироки кормандони тиббӣ дар Марказҳои саломатии шаҳрӣ, ноҳиявӣ ва деҳотӣ ва хонаҳои саломатии вилояти Суғд тақсим намуданд. Ин имкон медиҳад, ки маводи хӯрока ба гурӯҳҳои ҳадафнок, яъне занони ҳомила ва кӯдаки ширхорадошта расад.                Инчунин 30 000 бастаи хӯрокаи дигар дар ноҳияҳои вилояти Хатлон дар давоми моҳи апрел тақсим карда хоҳад шуд.