КӮМАКИ МАДОННА БА ЗАРАРДИДАГОНИ ЗИЛЗИЛА

               Рим, 9 апрел. (АМИТ «Ховар» — РБК). — Овозхони машҳур Мадонна ба хабарнигорон гуфт, ки барои расондани кӯмак ба зарардидагони зилзила дар қисмати марказии Италия аз ҳисоби маблағи худ 500 ҳазор доллар мефиристад. Раиси шаҳри Пачентрои Италия Фернандо Капарсо аз ин иқдоми хайрхоҳонаи овозхони маъруф изҳори сипос намуд.               Шаҳраки Пачентро дар маркази зилзилаи шадид қарор дошт, ки чанд рӯз пеш дар ин ҷо рух дода буд. Шаҳрак дар натиҷаи зилзила ба куллӣ харобу валангор гардид. Хабар дода мешавад, ки гузаштагони Мадонна дар ҳамин шаҳрак зиндагӣ кардаанд. Худи Мадонна зодаи Италия буда, номи пурраи ӯ Мадонна Луиза Чикконе мебошад. Тибқи хабарҳои расида, бар асари зилзила 260 нафар ҳалок ва 1,5 ҳазор нафар маҷрӯҳ шуд.