КИШТИ ГИЁҲҲОИ ШИФОБАХШ БА РОҲ МОНДА ШУД

                Душанбе, 24 апрел.(АМИТ «Ховар», Лаззат Диловарзод).- Бо мақсади таъмини иҷрои нақшаи кишти гиёҳҳои шифобахш, Кумитаи ҳифзи муҳити зист дар саросари ҷумҳурӣ тирамоҳи соли 2008 ва баҳори соли 2009 дар мавзеъҳои аз байн рафтаи камоли бадбӯй кишти онро ба роҳ монд.                 Тибқи нақшаи Кумитаи ҳифзи муҳити зист соли ҷорӣ дар майдони 2393 гектар камоли бадбӯй кишт карда шуд. Ҳамзамон дар асоси фармони раиси кумита аз 27 марти соли 2009 «Дар бораи санҷиши кишти камоли бадбӯй ва ҳолати сабзиши он» комиссия таъсис дода шуд, ки мутобиқи он ҳолати сабзиши гиёҳи номбурда дар моҳи апрел — майи соли ҷорӣ гузаронида мешавад. Дар назар аст, ки ҷамъоварӣ ва коркарди он минбаъд дар дохили ҷумҳурӣ ба роҳ монда мешавад, — иброз доштанд дар Кумитаи ҳифзи муҳити зист ба мухбири АМИТ «Ховар».