КИШВАРҲОИ ФОРСИЗАБОН БОНКИ МУШТАРАКИ САРМОЯГУЗОРӢ ТАЪСИС МЕДИҲАНД?
Душанбе, 22 апрел.(АМИТ «Ховар», Марзия Саидова).-Се кишвари форсизабон-Тоҷикистон, Афғонистон ва Эрон тасмим гирифтаанд, ки ҷиҳати муқобилат бо шиддатёбии бӯҳрони молиявии ҷаҳонӣ бонки муштараки сармоягузориро созмон бидиҳанд. Ин масъаларо раиси Бонки миллии Тоҷикистон Шариф Раҳимзода 22 аперл зимни нишасти матбуотӣ ба хабарнигорон дар Душанбе шарҳ дода гуфт, ки масъалаи таъсиси Бонки муштараки сармоягузорӣ дар сатҳи гуфтушунидҳо қарор дорад. Аммо, то ҳол дар ин самт ягон ҳуҷҷати расмӣ омодаву таҳия ва пешниҳод нашудааст. Шариф Раҳимзода бар он назар аст, ки таъсиси дилхоҳ бонк ҷиҳати рушди иқтисодиёти миллӣ, татбиқи барномаҳои инвеститсионӣ нақши муассир мегузорад. Коршиносон ба он назаранд, ки таъсиси бонки муштараки сармоягузорӣ ҷиҳати тақвияти ҳамкории минтақавӣ байни се давлат, татбиқи лоиҳаҳои инвеститсионии муштарак, бозсозии Афғонистон ва таҳкими якпорчагии кишварҳои ҳамзабони минтақа нақши муассир хоҳад гузошт.
Муассисаҳои таълимӣ ноҳияи Муъминобод ба зимистонгузаронӣ омода карда мешаванд
Имрӯз дар шаҳри Душанбе ҳаво то 21 дараҷа гарм мешавад
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
