КИТОБХОНАИ «БОЙТЕРЕК» ДАРИ ХУДРО БОЗ КАРД

                  Душанбе, 22 апрел.(АМИТ «Ховар», Марзия Саидова).-21 апрел иштирокчиёни нахустин Қурултойи /Анҷуман/хурди қазоқҳои сокини кишварҳои Осиёи Марказӣ, Афғонистон ва Эрон таҳти роҳбарии муовини аввали раиси Анҷумани қазоқҳои ҷаҳон Талғат Мамашев, ҳамчун рамзи эҳтиром ба тамаддуни тоҷикон ба пояи муҷассамаи асосгузори нахустин давлати тоҷикон — шоҳ Исмоили Сомонӣ гулчанбар гузоштанд.                  Онҳо ҳамзамон, бо фаъолияти ҷамъияти қазоқҳои Тоҷикистон «Бойтерек» /дарахти ҳаёт/ шинос шуда, дар маросими тантанавӣ китобхонаи «Бойтерек»-ро ифтитоҳ карданд, ки дар расми кушодани он сафири фавқулодда ва мухтори Ҷумҳурии Қазоқистон дар Ҷумҳурии Тоҷикистон Абӯталиб Ахметов иштирок кард.                  Нимаи дуюми рӯз, ҳайати намояндагони қазоқҳои кишварҳои Осиёи Марказӣ, Афғонистон ва Эрон ба ноҳияи Ҳисор рафта, бо дастовардҳои ин ноҳия ва Қалъаи Ҳисор, ки таърихи беш аз 3 ҳазорсола дорад, шинос мегарданд.