ЛИБОСИ РАСМИИ ЯГОНА БАРОИ ХОДИМОНИ ДИН
Раёсати динии мусулмонони Қирғизистон барои ходимони дини мамлакат либоси ягонаи расмиро тасдиқ намуд. Сардори муфтиёти мамлакат Муродалӣ оҷи Ҷумонов зикр кард, ки минбаъд роҳбарони қозиёти ҳафт вилоят, инчунин шаҳрҳои Бишкек ва Ӯш маросимҳои динӣ ва намозгузориро бо либоси нав ба ҷо хоҳанд овард. Қарор дар бораи муқаррар намудани либоси ягонаи расмии ходимони дин дар Қирғизистон охири соли 2008 зимни мулоқоти роҳбарияти Раёсати динии мусулмонони мамлакат бо котиби Шӯрои амният Одохон Мадумаров қабул шуда буд. Ба ақидаи М.Ҷумонов, ҳадафи ин тадбир ба рӯҳияи фарҳанги миллӣ ва анъанаҳои халқи қирғиз мувофиқ сохтани симои ходимони дин мебошад. Либоси ягонаи ходимони дини Қирғизистон чапони рангаш сафед аст, ки бо нақшу нигори миллӣ оро дода шудааст. Чапони роҳбари муфтиёти мамлакат бо нақшу нигори нисбатан мураккаб фарқ мекунад. Роҳбарони ташкилотҳои динӣ инчунин бояд нишоне дошта бошанд, ки дар он акси санги сиёҳи Каъба тасвир ёфтааст. Қайд карда мешавад, ки ходимони дин минбаъд тамоми маросимҳои диниро бо либоси нав анҷом хоҳанд дод. Центр Азия ру. (Тарҷумаи АМИТ «Ховар»)
Имрӯз дар водиҳои Тоҷикистон ҳаво 23 дараҷа гарм мешавад
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
