ЛИТСЕИ ПРЕЗИДЕНТӢ ДАР СОҲИЛИ ДАРЁИ ВАХШ

                Душанбе, 17 апрел. (АМИТ «Ховар», Тахмина Ғоибназарова).- Дар ноҳияи Бохтар сохтмони литсей-интернати президентӣ барои бачагони бесаробон идома меёбад. Дар ин бора ба АМИТ «Ховар» муовини роҳбари Маъмурияти сохтмони муассисаҳои ҳукуматии Дастгоҳи иҷроияи президенти ҶТ Холбой Саидов хабар дод. Дар литсей аз тамоми минтақаҳои Ҷумҳурӣ талабагон аз синфи 1 то 11 дарс мехонанд.                Масоҳати умумии литсей 10 гектар мебошад. Литсей аз 3 иморати 4 ошёна иборат аст. 2 бинои он барои хобгоҳи талабагон пешбинӣ карда мешавад. Дар ҳар кадоми он якбора 330 нафар зиндагӣ карда метавонад. Литсей дорои толорҳои варзишию маҷлисгоҳ иборат буда, синфхонаҳои он бо таҷҳизоти варзишию техникии муосир таъмин карда мешавад. Нақшаи бинои литсейро мутахассисони Пажӯҳишгоҳи «Гипропром» тартиб доданд.               Дохили литсей бо нақшу нигори миллии шарқӣ оро дода мешавад. Ин нақшу нигораҳо ба мавзӯъҳои таърихӣ ва қиссаю ривоятҳо дар бораи Тоҷикистон вобаста мебошад. Сохтмони литсей соли 2005 оғоз ёфта буд ва он то охири соли равон ба истифода дода мешавад. Коргарон айни ҳол ба ороиши дохили бино ва насби таҷҳизоти техникӣ машғуланд.                                                                          Тарҷумаи Зебо Иноятова