МАБЛАҒҲОИ ДАВЛАТӢ БА МАНФИАТҲОИ ШАХСӢ ИСТИФОДА ШУДАНД

                Душанбе, 23 апрел. (АМИТ«Ховар», Анварбек Сиддиқов).- Ҷонишини сардори шӯъбаи таъминоти моддӣ -техникии КВД «Тоҷиксемент» С.Ҷ. Раҷабов бо мақсади тасарруф кардани маблағҳои пулии корхона бо директори ҶДММ «Умедҷон-2001» Ф.З. Абдуллоев забон як карда, бо роҳи тартиб додани ҳуҷҷатҳои қалбакии муҳосибавӣ -хароҷотӣ ба номи ҶДММ «Сохтумон» ва ҶДММ «Сохтумон-ЛТД» ба таври нақдӣ маблағи 821638 сомониро азони худ карда, ба манфиатҳои шахсии худ сарф намудааст.                 Тавре аз Агентии назорати давлатии молиявӣ ва мубориза бо коррупсияи Ҷумҳурии Тоҷикистон ба АМИТ «Ховар» хабар доданд, нисбати С. Раҷабов аз тарафи Раёсати тафтишотии Агентӣ бо моддаи 245 ва 323-и Кодекси Ҷиноии Ҷумҳурии Тоҷикистон парвандаи ҷиноӣ оғоз карда, тафтишот идома дорад.