МАЛАХ БА ҲУҶУМ МЕГУЗАРАД

                 Душанбе, 9 апрел. (АМИТ «Ховар», Лаззат Диловарзод).- Дар ҷамъомади мутахассисони вилояти Хатлон дар ноҳияи Данғара роҳбарони навоҳии вилоят аз паҳншавии малах изҳори ташвиш намуданд.                 Алҳол малах ба 14 ноҳияи ин вилояти калонтарини пахтакор таҳдид мекунад. Имрӯзҳо дар ноҳияҳои Данғара дар майдони 2 ҳазору 500 гектар, Қумсангир-2100, Вахш-1900, Хуросон -2500 ва нохияи Шаҳритус дар майдони 1700 гектар паҳн шудани малах мушоҳида мешавад.                 Сардори ситоди ҷумҳурявии мубориза бар зидди малах Қ,Қосимов, масъулинро вазифадор намуд, 1 тонна заҳрхимикати «фастракт» 2 адад дорупошаки ОВХ, 2 ҳазор литр сӯзишвории дизелӣ таъҷилан ба ноҳияи Данғара фиристода шавад.                  Ба ноҳияҳое,ки хатари малах мушохида мешавад ба миқдори 3 ҳазор литр заҳрхимикати «диминил», 2280 литр «алфа супеметрин», 300 аппарати дастӣ ва 300 адад либоси махсус таъмин карда шудааст.