МАВОДИ ТАРКАНДА НИЗ ҲИСОБ ДОРАД

                   Душанбе, 17 апрел. (АМИТ «Ховар», Жасмин Назарова).- Дар Саридораи назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон бо иштироки намояндагони васоити ахбори оммавӣ нишасти матбуотӣ баргузор гардид.Дар он муовини аввали сардори идора Сиҷоуддин Мирзоев доир ба фаъолияти соҳа дар давоми се моҳи гузашта маълумот дод.                  Дар нишасти мазкур дар бораи қонунҳои Ҷумҳурии Тоҷикистон «Дар бораи сарватҳои зеризаминӣ», «Дар бораи иҷозатномадиҳӣ ба баъзе намудҳои фаъолият», Кодекси меҳнатии Ҷумҳурии Тоҷикистон, Кодекси ҳуқуқвайронкунии маъмурӣ дар Ҷумҳурии Тоҷикистон қайд карда шуд.                  Ҳамчунин ба ваколати Саридора пешбурди Феҳристи давлатии иншоотҳои истеҳсолии хатарнок, Кадастри давлатии маводи тарканда мувофиқи Қонунҳои Ҷумҳурии Тоҷикистон «Дар бораи бехатарии саноатии иншооти истеҳсоли хатарнок» ва «Дар бораи муомилоти маводи таркандаи таъиноти гражданӣ» вогузор карда шудааст.