МУЛОҚОТИ ПРОКУРОРҲОИ ГЕНЕРАЛИИ ДАВЛАТҲОИ АЪЗОИ СҲШ ДАР МАСКАВ

                Душанбе, 11 апрел. (АМИТ «Ховар», Наргис Бояхмедова). — 13 апрел дар пойтахти Русия — шаҳри Маскав маҷлиси ҳафтуми прокурорҳои генералии давлатҳои аъзои Созмони ҳамкории Шанхай баргузор мегардад. Ҳайати Тоҷикистон дар ин маҷлис таҳти роҳбарии прокурори генералии мамлакат Бобоҷон Бобохонов иштирок хоҳад кард.                 Дар маҷлис масъалаҳои марбут ба ҳифзи ҳуқуқи шаҳрвандон, мубориза ба муқобили қонуншиканиҳо дар соҳаҳои иқтисодӣ дар шароити бӯҳрони ҷаҳонии молиявӣ, пешгирии фаъолияти созмонҳои ифротии динӣ, тақвияти мубориза ба муқобили хариду фурӯши ғайриқонунии маводи нашъадор ва гурӯҳҳои ҷинояткори байналхалқӣ муҳокима карда мешаванд.               Мухбири АМИТ «Ховар» хабар медиҳад, ки айни ҳол Чин, Қазоқистон, Русия, Қирғизистон, Тоҷикистон ва Ӯзбекистон аъзои СҲШ мебошанд.                                                                   Тарҷумон — Қудратов А.