МУЛОҚОТИ РОҲБАРОНИ КИТОБХОНАҲОИ МИЛЛИИ МАМЛАКАТҲОИ АСҲИ

               Душанбе, 9 апрел. (АМИТ «Ховар», Таҳмина Ғоибназарова). — Директори Китобхонаи миллии ба номи Абулқосим Фирдавсӣ Шариф Тошев дар конфронси дуюми мудирони китобхонаҳои мамлакатҳои аъзои Созмони ҳамкории иқтисодӣ иштирок хоҳад кард, ки рӯзҳои 20 — 21 апрел дар Боку баргузор мегардад. Дар конфронси мазкур, инчунин, роҳбарони китобхонаҳои миллии Туркия, Эрон, Покистон, Туркманистон, Ӯзбекистон, Қазоқистон ва Қирғизистон ширкат меварзанд.                 Дар конфронси мазкур масъалаҳои равнақу ривоҷи ҳамкории байналхалқии мамлакатҳои номбурда дар соҳаи китобдорӣ, аз ҷумла, мубодилаи китоб, нашри муштараки китобҳо, гузаронидани машваратҳо ва конфронсҳо бо мақсади иваз кардани таҷриба ва такмили маҳорати кормандони соҳа мавриди баррасӣ қарор дода мешаванд.                Конфронси нахустини роҳбарони китобхонаҳои миллии мамлакатҳои аъзои созмон соли 2007 дар Теҳрон баргузор гардида буд.