МУЛОҚОТИ ВАЗИРОНИ ФАРҲАНГИ МАМЛАКАТҲОИ СҲШ ДАР ҚАЗОН

                    Душанбе, 28 апрел. (АМИТ «Ховар», Таҳмина Ғоибназарова).- Имрӯз дар Қазон машварати 6-уми вазирони фарҳанги давлатҳои аъзои Созмони Ҳамкории Шанхай кушода мешавад. Дар ин машварат Вазири фарҳанги ҶТ Мирзошохрух Асрорӣ иштирок дорад. Дар мулоқот мавзӯи «Анъанаҳои фарҳангии миллӣ ва ҷавонон» муҳокима карда мешавад.                   Дар фарҷоми мулоқот роҷеъ ба ҳамкории бисёрҷонибаю дуҷонибаи мамлакатҳои аъзои созмон Эъломия қабул карда хоҳад шуд. Вазирон ҳамчунин ҷараёни тайёриро ба ҷашнвораи V-и ҳунарии давлатҳои аъзои СҲШ баррасӣ менамоянд. Тоҷикистон дар доираи ҷашнвора намоишгоҳи ҳунарҳои халқии худро ташкил менамояд.                  Дар ин намоишгоҳ асарҳои рассомони тоҷик, либосҳои гулдӯзӣ, қолинҳои миллии дастбоф, нақшу нигор дар чӯб ва ғайраро намоиш медиҳанд.