Н.ҚАРШИБОЕВ – АЪЛОЧИИ МАТБУОТИ ТОҶИКИСТОН

                Душанбе, 7 апрел. (АМИТ «Ховар», Людмила Дубинина). — Дирӯз, 6 апрел ба муносибати даҳсолагии таъсиси Анҷумани миллии воситаҳои ахбори оммавии мустақили Тоҷикистон нишасти матбуотӣ баргузор гардид. Дар он ба раиси анҷумани мазкур Нуриддин Қаршибоев ва ҳамоҳангсози хадамоти таҳлилу тадқиқи анҷуман Абдуфаттоҳ Воҳидов барои саҳми калонашон дар рушду пешрафти соҳаи журналистика нишонҳои «Аълочии матбуоти Тоҷикистон» супорида шуданд. Нишонҳоро раиси Иттифоқи журналистони Тоҷикистон Акбаралӣ Сатторов супорида, ба онҳо барору комёбӣ орзу намуд.                 Н.Қаршибоев зикр намуд, ки чунин баҳои баланд ба фаъолияти анҷуман кормандони онро ба андешидани тадбирҳои самарабахш барои ба даст овардани ҳадафҳояшон ва иҷрои вазифаҳояшон рӯҳбаланд месозад. Мо дар оянда ҳам кӯшиш ба харҷ медиҳем, ки ба журналистон барои иҷрои вазифаҳояшон ва ҳифзи ҳуқуқҳояшон то ҳадди имкон кӯмак расонем, гуфт дар хотима Н.Қаршибоев.