Н. ДАВЛАТОВ: «САБАБИ АСЛИИ ИҶРО НАГАРДИДАНИ

                   Душанбе, 23 апрел. (АМИТ «Ховар», Наргис Бояхмедова). — Имрӯз дар Кумитаи андози назди Ҳукумати Ҷумҳурии Тоҷикистон нишасти матбуотӣ баргузор гардид, ки дар он раиси Кумитаи мазкур Нусратулло Давлатов дар бораи фаъолияти ин мақомот дар се моҳи соли ҷорӣ маълумот дод.                  Н.Давлатов қайд кард, ки бақияи қарзи андоз ва пардохтҳо дар ҳолати 1 апрели соли 2009-ум 563,8 миллион сомониро ташкил намуда, нисбат ба 1 январи соли ҳисоботӣ ба андозаи 52,9 миллион сомонӣ афзудааст.                 Имрӯз ҳаҷми бақияи қарз дар вилояти Хатлон ба 139,3 миллион сомонӣ, вилояти Суғд — 113,6 миллион сомонӣ ва Нозироти андози андозсупорандагони калон ба 241,8 миллион сомонӣ расидааст. Асосан бақияи қарзи андозҳо аз ҳисоби ШСХК «Барқи Тоҷик» ба андозаи 21 миллион сомонӣ ва соҳаи кишоварзӣ 7,8 миллион сомони зиёд шудааст. «ШСХК «Барқи Тоҷик» ҳамагӣ 6 миллион сомонӣ андоз супоридасту халос», — тазаккур дод Н.Давлатов.                Н. Давлатов дар хотима ба саволҳои хабарнигорон посух дода гуфт, ки сабаби асосии пурра ҷамъ нагардидани андоз ин таъсири буҳрони ҷаҳонии молиявӣ ва интизоми пасти андозсупорандагон аст.