НАҚШАИ АНДОЗ ДАР СЕМОҲИ АВВАЛИ СОЛИ 2009 ПУРРА ИҶРО НАШУД

                 Душанбе, 23 апрел. (АМИТ «Ховар», Наргис Бояхмедова). — Дар семоҳаи аввали соли 2009 иҷрои нақшаи андоз 98,1% таъмин гардида, ба ҷойи 486,2 миллион сомонии пешбинишуда ба буҷети давлат 477,1 миллион сомонӣ ворид гардид, ки ин нисбат ба нақша 9,1 миллион сомонӣ кам аст, — гӯфт дар нишасти матбуотӣ 23 апрел раиси Кумитаи андози назди Ҳукумати Ҷумҳурии Тоҷикистон Нусратулло Давлатов.                  Ӯ афзуд, ки гарчанде иҷроиши нақшаи даромади буҷет иҷро нагардида бошад ҳам, воридоти маблағҳо дар семоҳаи аввали соли ҷорӣ нисбати ҳамин давраи соли гузашта ба андозаи 91 миллион сомонӣ ё худ 23,6 % зиёд аст.                 Дар семоҳаи соли ҷорӣ андози иҷтимоӣ аз ҳисоби корхонаҳои ғайрибуҷетӣ ба 100,2 % таъмин карда шуд, ки дар натиҷа ба буҷет 164,3 ҳазор сомонӣ бештар ворид гардид. Аз ҳисоби ташкилотҳои буҷетӣ бошад 82,3% таъмин гадида, ба буҷети Агентии ҳифзи иҷтимоии аҳолӣ ва нафақа 7,9 миллион сомонӣ камтар маблағ ворид гардид-, гуфт дар хотима Н.Давлатов.