НАМОЯНДАГОНИ ИТТИҲОДИ АВРУПО БА ДУШАНБЕ ОМАДАНД

             Душанбе, 6 апрел. (АМИТ «Ховар», Наргис Бояхмедова). — Имрӯз намояндагони се давлати калонтарини аъзои Иттиҳоди Аврупо барои муҳокимаи масъалаҳои марбут ба сиёсати умумии берунӣ ба Душанбе омаданд. Сафари онҳо дар Тоҷикистон се рӯз давом мекунад.             Аз дафтари матбуоти вазорати корҳои хориҷӣ ба АМИТ «Ховар» хабар доданд, ки дипломатҳои аврупоӣ бо мушовири давлатии Президенти ҷумҳурӣ дар масъалаҳои сиёсати берунӣ Э.Раҳматуллоев, мушовири давлатии Президенти ҷумҳурӣ дар масъалаҳои иқтисодӣ М.Давлатов, вазири корҳои хориҷӣ Ҳ.Зарифӣ ва муовини аввали раиси Кумитаи давлатии амнияти миллӣ Қ.Ғаффоров мулоқот хоҳанд кард.  Намояндаи махсуси ваколатдори Иттиҳоди Аврупо дар мамлакатҳои Осиёи Марказӣ Пер Морел низ ҳамроҳи онҳо ба Душанбе омад.