«НАРДБОНИ ОСМОН» ДАР ДУШАНБЕ ВА САМАРҚАНД БАРДОШТА МЕШАВАД

                Душанбе.23 апрел.(АМИТ «Ховар», Марзия Саидова).-Дар Тоҷикистон банаворгирии филми «Нардбони осмон» оғоз ёфтФилми мазкур аз ҷониби синамогарони эронӣ дар ҳамкорӣ бо ҳунармандони тоҷик ба навор гирифта мешавад. «Нардбони осмон» нахустин филми таърихӣ буда, дар бораи ҳаёт ва фаъолияти яке аз донишмандони шинохта ва ситорашиноси маъруф Ғиёсиддин Ҷамшеди Кошонӣ (790-832) нақл мекунад.                Аз Сафорати Эрон дар Душанбе ба АМИТ «Ховар» иттилоъ доданд, ки таҳиягар ва коргардонҳои филми мазкур коргардонҳои шинохта Муҳаммадҳусайни Лафисӣ ва Мӯҳсинӣ Алиакбарӣ мебошанд. Қисматҳои нахустини филм дар шаҳрҳои Кошону Исфаҳон ва Теҳрон ва қисматҳои баъдии он дар шаҳрҳои Душанбе ва Самарқанд ба навор бардошта мешаванд.