НИШАСТИ МАТБУОТИИ ВАЗИРИ ДАВЛАТИИ ТУРКИЯ
Душанбе, 23 апрел. (АМИТ «Ховар», Темур Бандишоев). — Вазири давлатии Туркия Мустафо Саид Язиҷи Уғлӣ дирӯз баъди анҷоми мулоқоташ бо Президенти Ҷумҳурии Тоҷикистон Эмомалӣ Раҳмон барои хабарнигорон нишасти матбуотӣ ташкил намуд. Вай зикр кард, ки ба Тоҷикистон бо мақсади гузаронидани маҷлиси ҳафтуми комиссияи байниҳукуматии ҳамкории иқтисодии Тоҷикистону Туркия ташриф овардааст. Вай гуфт, ки дар фарҷоми маҷлиси мазкур як протоколи муҳим имзо карда шуд. Ба туфайли он бисёр масъалаҳои ҳамкории ҳар ду кишвар бештар густариш меёбанд. М.С.Язиҷӣ — Уғлӣ афзуд, ки сӯҳбати ӯ бо Сарвари давлати Тоҷикистон мароқовар ва муфид буд. Қайд карда шуд, ки Президенти Туркия Абдулло Гул ояндаи наздик ба Тоҷикистон ташриф меорад. Боварӣ дорам, ки сафари Президенти Туркия ҳамроҳи ҳайати калони соҳибкорону тоҷирон ба густариши бештари муносибатҳо ва ҳамкории ҳар ду кишвар мусоидат хоҳад кард. Вазири давлатии Туркия изҳор намуд, ки рӯзҳои мусофираташ дар Душанбе бо вазири рушди иқтисод ва савдои мамлакат, инчунин сарвазир мулоқот кардааст. Меҳмон таъкид намуд, ки Тоҷикистону Туркия дар соҳаҳои гидроэнергетика, аз ҷумла, сохтмони нерӯгоҳҳои барқӣ, истифодаи қувваи офтоб ва шамол самарабахш ҳамкорӣ карда метавонанд. Ҳаҷми ҳамкории тиҷоратию иқтисодии Тоҷикистону Туркия имрӯз ба талабот ҷавоб дода наметавонад. Маҷлиси комиссияи байниҳукуматии ҳамкории иқтисодии Тоҷикистону Туркия дар айёме баргузор гардид, ки мамлакатҳои ҷаҳонро бӯҳрони шадиди молиявӣ фаро гирифтааст. Мо имрӯз ҳуҷҷатҳоеро имзо кардем, ки имконияти воқеии амалӣ сохтани онҳо вуҷуд дорад. Вай зикр намуд, ки дар Туркия соҳаи туризм хеле густариш ёфтааст ва мамлакат аз ин соҳа ҳар сол даромади калон ба даст меорад. Соли 2008 -ум 26 миллион сайёҳи хориҷӣ ба Туркия омад ва даромади ин соҳа 22 миллиард доллари ИМА — ро ташкил дод.Тоҷикистон ҳам сарзамини хушманзара ва қӯҳсор мебошад. Дар ин ҷо соҳаи туризм ва хусусан сафару сайёҳат ба минтақаҳои кӯҳистонро ривоҷ додан лозим аст, гуфт вазири давлатии Туркия.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
