НИШОНАҲОИ ТАЪСИРИ БӮҲРОНИ МОЛИЯВӢ ДАР СЕМОҲА

                  Душанбе, 20 апрел. (АМИТ «Ховар», Лаззат Диловарзод).- Дар семоҳаи аввали соли 2009 таъсири бӯҳрони молиявӣ ба иқтисодиёти кишвар бештар зоҳир гардид. Яке аз онҳо иҷро нагардидани нақшаи семоҳаи қисми даромади буҷети давлатӣ мебошад, ки дар 8 соли охир бори аввал ба миён омадааст,- иброз дошт Сарвари давлат дар Паёми солонаи худ ба Маҷлиси Миллӣ ва Маҷлиси намояндагони Маҷлиси Олӣ.Қисми даромади буҷети давлатӣ нисбат ба нақша 14, 8 фоиз ё ба маблағи 148 млн. сомонӣ кам таъмин карда шудааст.                    Комиссияи ҳукуматии зиддибӯҳронӣ бо мақсади дастгирии буҷети давлатӣ аз ҳисоби ташкилотҳои байналмилалии молиявӣ 280 млн.сомонӣ маблағҳои грантиро ҷалб менамояд.