НОВОБАСТА АЗ ВАЗЪИ МОЛИЯВӢ, ҲИФЗИ ИҶТИМОӢ БЕҲТАР МЕГАРДАД

                Душанбе, 27 апрел. (АМИТ «Ховар», Лаззат Диловарзод).- Сиёсати ҳифзи иҷтимоии аҳолӣ яке аз самтҳои асосии сиёсати иҷтимоии Ҳукумати Ҷумҳурии Тоҷикистон боқӣ хоҳад монд, -иброз дошт сардори Хадамоти давлатии назорат дар соҳаи меҳнат, шуғл ва ҳифзи иҷтимоии шаҳри Душанбе Тоҳир Каримов.                 Президенти кишвар дар Паёми навбатии худ ба Маҷлиси миллӣ ва Маҷлиси намояндагони Маҷлиси Олӣ таъкид намуд, ки ӯҳдадориҳои давлат дар самти ҳифзи иҷтимоии аҳолӣ, пардохти музди меҳнат, баланд бардоштани маош дар соҳаи маориф, тандурустӣ ва дигар соҳаҳои иҷтимоӣ, пардохти нафақа, стипендия, ҷубронпулиҳо новобаста аз вазъи баамаломада пурра таъмин карда мешаванд.                Дар давоми соли 2008 бештар 104 ҳазор ҷойҳои нави корӣ ташкил ёфт. Дар давоми 5 соли охир шумораи ҷойҳои нави корӣ ба 510 ҳазор расонида шуд, ки он баёнгари ҳифзи иҷтимоии аҳолӣ дар кишвар мебошад.