ОҚИБАТҲОИ СЕЛ БАРТАРАФ КАРДА МЕШВАД

                 Душанбе, 22 апрел. (АМИТ «Ховар», Жасмин Назарова). — Дар натиҷаи боришоти боронҳои пай дар пайи шаби 21 апрели соли ҷорӣ дар, кӯчаҳои Содиқов, Куйбишев, Чармгарони поени шаҳри Кӯлоб ба 15 хонаи истиқоматӣ сел даромадааст.                Тавре аз дафтари матбуоти Кумитаи ҳолатҳои фавқулодда ва мудофиаи гражданӣ ҶТ иттилоъ доданд, дар ноҳияи Муъминобод низ ба 12 хонаи истиқоматии деҳаи Туто, Боғи Ҳабиби чамоати деҳоти Балхоб сел даромадааст.                Дар деҳаи мазкур тақрибан 40-45 метр дамбаи дарёи Сойи Тебалайро сел шуста бурдааст.                Инчунин дар ноҳияи Хуросон ба 13 хоҷагӣ ва заминҳои наздиҳавлигии деҳаҳои ҷамоати деҳоти Айнӣ аз қубури канали обгузари «Правая Ветка» сел даромадааст.                Аз ҷониби мақомоти маҳаллии иҷроияи ҳокимияти давлатӣ ва сохторҳои дахлдор барои бартараф сохтани оқибатҳои офати табиӣ чораҳои зарурӣ андешида мешавад.