«ОРИЁНБОНК» ШУМОРАИ БАНКОМАТҲОЯШРО ЗИЁД МЕКУНАД

            Душанбе, 21 апрел. (АМИТ «Ховар», Бекназари Абӯбакр). — Бо мақсади таъмини имконоти беҳтар барои хизматрасонии мизоҷони дорои кортҳои пластикии бонкӣ ҶСК «Ориёнбонк» шабакаи банкоматҳои худро дар ноҳияҳои гуногуни ҷумҳурӣ мукаммал мегардонад.              Тавре ба АМИТ «Ховар» аз бонки мазкур иттилоъ доданд, аз аввали моҳи апрели соли ҷорӣ банкоматҳои нави шабонарӯзие, ки дар КМ «СИНОН», ТВ «Сафина» ва дар филиали бонк дар ноҳияи Сино муқаррар карда шуданд, ба кор шурӯъ намуданд. Инчунин, барои боз ҳам бароҳат амалӣ гардонидани пардохтҳо дар ҳудуди фурудгоҳи байналхалқии шаҳри Душанбе, дар дохили бинои штаби КВД «Тоҷикэйр» низ банкомати нав устувор гардонида шуд, ки он ба кормандон ва мизоҷони бонк барои бе мамониат дастрас намудани пули нақд имкон медиҳад.