ПАХШИ БАРНОМАҲОИ «РТР – ПЛАНЕТА» ДАР ТОҶИКИСТОН ДАВОМ ДОДА МЕШАВАД

               Душанбе, 17 апрел. (АМИТ «Ховар», Лутфия Эшонқулова). — Муовини аввали раиси Кумитаи телевизион ва радиои назди Ҳукумати ҷумҳурӣ Абдураҳмон Абдуманнонов дар ҷараёни нишасти матбуотӣ изҳори умед кард, ки пахши барномаҳои шабакаи телевизионии «РТР — Планета» дар Тоҷикистон ояндаи наздик аз нав шурӯъ хоҳад шуд. Вай зикр кард, ки ҷониби Тоҷикистон ба гуфтушунид бо намояндагони ширкати телевизионии Русия ҳамеша тайёр аст.                Дар акси ҳол ширкатҳои дигари телевизионие ҳастанд, ки барномаҳояшонро ба воситаи басомадҳои мавҷуда дар қаламрави ҷумҳурӣ пахш кардан мехоҳанд, гуфт вай.                 Мухбири АМИТ «Ховар» ёдовар мешавад, ки пахши барномаҳои шабакаи телевизионии Русия дар каламрави Тоҷикистон 2 март боздошта шуда буд. 2 апрел шартномаи ҳамкории Тоҷикистону Русия дар масъалаи пахши барномаҳои шабакаи «РТР — Планета» ба таври якҷониба бекор карда шуд.