ПЕШРАВИҲОИ НАЗАРРАС АЗ ПАЁМ ТО ПАЁМ

                 Душанбе, 9 апрел. (АМИТ «Ховар», Лаззат Диловарзод).- Имрӯзҳо ҳамаи сокинони кишвар аз он интизорӣ доранд, ки дар Паёми имсолаи Сарвари давлат ба Маҷлиси Олии Ҷумҳурии Тоҷикис тон чӣ мароме пешниҳод ва қабул мегардад.                 Бино ба гуфти раиси Ширкати давлатии суғуртаи Тоҷикистон («Тоҷиксуғурта») Аловуддин Сатторов, аз як Паём то Паёми дигари Президенти кишвар ба Маҷлиси Олии Ҷумҳурии Тоҷикистон дар ҳамаи ҷанбаҳои ҳаёти кишвар, гоми устуворе гузошта мешавад ва пешравиҳои назаррас рӯи кор меоянд. Паёми Сарвари давлат ба Маҷлиси Олии ҷумҳурии Тоҷикистон оинаи таҷассумкунандаи пешравиҳои имрӯзу фардои кишвар хоҳад шуд. Ҳар як Паёми Сарвари давлат давоми мантиқии Паёмҳои гузаштаанд. Дар Паёмҳои Сарвари давлат аксари ҳадафу вазифаҳо барои мӯҳлатҳои тӯлонӣ пешбинӣ шудаанд ва ҳар сол ҷараёни амалӣ гаштани онҳо аз ҷониби Ҳукумати ҷумҳурӣ баррасӣ мегарданд. Бо дигаргуниҳои ҷаҳони муосир як қисми онҳо такмил ёфта, мақсаду ҳадафҳои нав муайян ва мушаххас мегардад.