ПУЛҶАМЪКУНИИ ҒАЙРИҚОНУНӢ ИДОМА ДОРАД

                  Душанбе, 1 апрел. (АМИТ «Ховар», Лаззат Диловарзод).- Аз тадқиқоти Кумитаи давлатии омори ҷумҳурӣ бар меояд, ки роҳи пулҷамъкунии ғайриқонунӣ дар мактабҳои таълимоти ҳамагонӣ хотима наёфтааст.                   Тибқи маълумти ба Ҳукумати ҷумҳурӣ пешниҳод намудаи Кумитаи давлатии омор, агар дар шаҳри Душанбе дар соли 2005 96,8 фоиз ва дар соли 2006 74 фоизи падару модарон барои таҳсили фарзандонашон пул супорида бошанд, дар соли 2007-2008 ин нишондод 68 фоизро ташкил додааст.                    Мутобиқи тадқиқоти мазкур, дар пардохти маблағ барои таъмири мактаб дар Вилояти Мухтори Кӯҳистони Бадахшон 11 фоиз, дар вилояти Суғд 80,5 фоиз, вилояти Хатлон -76, шаҳри Душанбе 68 фоизи падару модарон ҳиссагузорӣ намудаанд.                  Ин дар суратест, ки дар соли 2009 17 фоизи ҳаҷми умумии буҷет ба соҳаи маориф бахшида шудааст.