РӮҲИ ФИРДАВСИРО ДАР КӮЛОБ ШОД МЕКУНАНД

                Кӯлоб 13 апрел. (АМИТ «Ховар» Сулаймон Холов).-Таи чаҳор сол боз дар шаҳри Кӯлоб бо ибтикори Зафар Мирзоиён як тан аз фарҳангиёни тоҷик маҳфили «Шоҳномахонӣ» амалӣ менамояд. Дар ин маҳфил беш аз 20 нафар донишҷӯён, омӯзгорон ва қисман хонандагони мактаби таҳсилоти ҳамагонӣ ширкат меварзанд. Мирзоиён мегӯяд: «Ӯ ба хотири бедор намудани ҳисси меҳандӯстии ҷавонон ба чунин иқдом даст задаст». Ба гуфтаи Мирзоиён дар маҳфили «Шоҳномахонӣ» талош меварзад, то асли Шоҳнома, ҳадафи иншо шудани ин шоҳасари бузургро ба шогирдон таҳлил диҳанд. То кунун Мирзоиён барои таъсиси маҳфил ва таълими шогирдон ҳақе намегирад, аммо мегӯяд ӯ қарзи худро то андозае бошад ҳам дар назди рӯҳи Фирдавсӣ ва Ватан иҷрошуда меҳисобад. Зеро ҳоли ҳозир беш аз 10 нафар шогирдони ӯ, яъне собиқ аъзоёни маҳфил дар Тоҷикистон ва хориҷ аз он ба таҳқиқ шуғл дорад.