РАИС ДИГАР КИТОБҲОИ ХОНДАГИАШРО ДАР ЁД НИГОҲ МЕДОРАД

                   Душанбе, 22 апрел. (АМИТ «Ховар», Лаззат Диловарзод).- Бино ба иттилои маркази матбуотии дастгоҳи раиси вилояти Хатлон дар вилоят як ташаббуси нав роҳандозӣ шудааст. Мардум аз ҳисоби китобхонаҳои шахсӣ китобхонаҳои ҷамъиятиро пурра мекунад.                  Аввалин шуда раиси вилояти Хатлон Ғайбулло Авзал аз китобхонаи шахсии худ беш аз 300 нусха китобҳои бадеӣ, илмӣ ва сиёсиро ба китобхонаи вилоятии Қурғонтеппа супорид.                  Ташаббуси раиси вилоятро кумитаи кор бо ҷавонон, варзиш ва саёҳии вилоят, кумитаи кор бо занон ва оилаи вилоят, идораи маорифи шаҳрӣ дастгирӣ намуда ба китобхонаҳои вилоятӣ беш аз 1,5 ҳазор китобҳои бадеӣ тақдим намуда хазинаи китобдории вилоятро бо китобҳои зарурӣ пурра намуданд                 Бино ба иттилои ҳамин манбаъ, ин ташаббус дар сар то сари вилоят амалӣ мегардад.