РЕЙДҲО САМАРАИ ХУБ ДОДАНД

                   Душанбе, 23 апрел. (АМИТ «Ховар», Лаззат Диловарзод).- Пешбурди сиёсати давлатӣ дар бахши ҳифзи беҳдошти табиат яке аз самтҳои асосии фаъолияти Кумитаи ҳифзи муҳити зист мебошад, — иброз дошт раиси кумита Хурсандмурод Зикиров ба мухбири АМИТ «Ховар».                  Кормандони Кумита дар бахши ҳифзи олами наботот, ҳайвонот ва захираҳои моҳӣ 1 ҳазору 92 рейдҳои фаврӣ гузаронида, барои вайрон кардани талаботи қонунгузориҳои ҷумҳурӣ нисбати шахсони ҳуқуқӣ ва воқеӣ ба маблағи 38 ҳазору 337 сомонӣ ҷарима бастанд ва то 15-уми апрели соли 2009 -29 ҳазору 665 сомонӣ маблағи ҷаримаҳо рӯёнида шудааст.    Зарари 72 қонуншиканӣ 684885 сомониро ташкил дод. Дар назар аст, ки дар семоҳаи дуюм рейдҳои самаранок бештар гузаронида шаванд.