РОҲИ ҚУЛМА КУШОДА МЕШАВАД

                  Бадахшон, 24 апрел. (АМИТ «Ховар», Лутфишо Додо).- Бо ибтикори Президенти кишвар Эмомалӣ Раҳмон ифтитоҳи роҳи Қулма-Қароқурум дар ҳаёти иқтисодии сокинони ҷумҳурӣ, ба вижа ВМКБ тағийроти куллиро ворид гардонид. Танҳо дар соли 2008 аз Ҷумҳурии Мардумии Чин 5727 адад мошини сабукраву 4057 адад мошинаи боркаш ба маблағи 23147302 доллари ИМА ворид гардид. Тавре сардори Раёсати сармогузорӣ ва идораи амволи давлатӣ Боймамад Алибахшов иттилоъ дод, рӯзи 4-уми май мавсими имсолаи рафту омад дар гузаргоҳи Қулма оғоз мегардад.