С. ХАЙРУЛЛОЕВ: «МО ХОСТОРИ ТАВСЕАИ ҲАМКОРӢ БО ПАРЛУМОНИ АВРУПО ҲАСТЕМ»
Душанбе, 7 апрел.(АМИТ «Ховар», Марзия Саидова).- Вазъи имрӯза ва дурнамои ҳамкориҳои мутақобилан судманди Маҷлиси намояндагони Маҷлиси Олии Ҷумҳурии Тоҷикистон бо парлумони Аврупо дар мулоқоти Раиси Маҷлиси намояндагони Маҷлиси Олии ҷумҳурӣ Сайдулло Хайруллоев бо намояндагони парлумони Аврупо, ки таҳти роҳбарии Раиси Кумитаи парлумони Аврупо хонум Она Юкневичене ба Душанбе омадаанд, баррасӣ гардиданд. Раиси палатаи поёнии парлумони Тоҷикистон Сайдулло Хайруллоев доир ба таърихи таъсиси парлумони Тоҷикистон сухан карда, гуфт, ки алҳол дар парлумони кишвар намояндагони се ҳизби сиёсӣ фаъолият менамоянд, ки аз рушди равандҳои демократия ва гуногунандешӣ шаҳодат медиҳад. Мавсуф ҳамзамон, роҷеъ ба ҳамкории судманди парлумони Тоҷикистон бо парлумонҳои кишварҳои ҷаҳон ибрози назар намуда, афзуд, ки мо хостори ҳар чӣ бештар тақвият ёфтани робитаҳои парлумонӣ байни Тоҷикистон ва парлумони Аврупо ҳастем. Ҳайати намояндагони парлумони Аврупо таҳти роҳбарии Она Юкневичене аз 6 то 9 апрел дар Душанбе қарор доранд ва ҳадафи сафарашон тавсеаи ҳамкорӣ миёни парлумонҳои Тоҷикистон ва парлумони Аврупо мебошад. Бояд тазаккур дод, ки парлумони Аврупо 59 сол муқаддам, аниқтараш соли 1950 таъсис дода шуда, дорои 785 намояндаи кишварҳои Аврупо мебошад. Намояндагони парлумони Аврупо ба мӯҳлати 5 сол интихоб мешаванд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
