САБАДИ ИСТЕЪМОЛӢ БЕҲТАР МЕГАРДАД

                Душанбе, 24 апрел.(АМИТ «Ховар», Лаззат Диловарзод).- Яке аз самтҳои асосӣ ва афзалиятноки сиёсати дохилии Тоҷикистон ҳифзи иҷтимоии аҳолӣ, тадриҷан баланд бардоштани сатҳи зиндагӣ ва таъмини осудагию оромии мардуми кишвар ба ҳисоб меравад,- иброз доштанд дар Вазорати меҳнат ва ҳифзи иҷтимоӣ ба мухбири АМИТ «Ховар». Айни замон нишондиҳандаҳои миқдории сатҳи зиндагии аҳолии ҷумхурӣ тибқи маълумоти Кумитаи давлатии омор, арзиши маҷмӯи озуқаворӣ , ки барои истеъмол зарур аст, аз рӯи нархи охири моҳи феврали солӣ 2009 ба ҳар як узви оила 88,79 сомонӣ ва дар сурати меъёри оқилонаи истеъмолӣ 180,74 сомониро ташкил дод.                Даромади пули аҳолӣ дар моҳи январи соли 2009 аз рӯи маълумоти пешакӣ 664,2 миллион сомониро ташкил намуд, нисбат ба ҳамн давраи соли гузашта 1,7 фоиз кам шудааст.