СУДИ ОЛИИ ИҚТИСОДИИ ҶУМҲУРИИ ТОҶИКИСТОН 101 ПАРВАНДАРО БАРРАСӢ НАМУД

                   Душанбе, 20 апреля. (АМИТ «Ховар», Анварбек Сиддиқов).- Дар семоҳаи аввали соли ҷорӣ Суди Олии иқтисодии Ҷумҳурии Тоҷикистон 101 парванда, ки аз он 49 парванда дар марҳилаи аввал, 9 парванда дар марҳилаи шикоятӣ, 31 парванда дар марҳилаи кассатсионӣ, 12 парванда дар Раёсати Суди Олии иқтисодӣ баррасӣ шудаанд, -гуфт раиси Суди Олии иқтисодии Ҷумҳурии Тоҷикистон Амирхоҷа Ғоибназаров дар нишасти матбуотие, ки 20 апрел дар Душанбе шуда гузашт.                   Инчунин, номбурда қайд кард, ки маблағи даъвоҳои қаноаткардашуда ба фоидаи даъвогарон як миллону 646516, сомониро ташкил дода, аз ҳамин ҳисоб маблағи 64784, 75 сомонӣ боҷи давлатӣ рӯёнида шудааст.                  Дар ин давра Суди Олии иқтисодии ҷумҳурӣ асосан парвандаҳоро вобаста ба ҳимояи ҳуқуқу манфиатҳои давлат, ташкилотҳо сарфи назар аз шакли моликият ва шаҳрвандонро дар соҳаи соҳибкорӣ, хусусигардонидании амволи давлатӣ, рӯёнидан зарар, беэътибор донистани санадҳои ғайримеъёрии ҳуқуқӣ, ҳифзи муҳити зист, шартномаҳои кредитӣ, гарав ва дигар дараҷаҳои парвандаҳоро баррасӣ намуданд.