ТӮҲФАИ «САРПАРАСТ» БА КИТОБХОНАҲОИ ҶУМҲУРӢ

                Душанбе, 15 апрел. (АМИТ «Ховар», Лутфия Эшонқулова).- Муассисаи ҷамъиятии хазинаи хайрияи «Сарпараст» бо мақсади ғанӣ гардонидани китобхонаҳо ба Вазорати фарҳанги Ҷумҳурии Тоҷикистон беш аз 2 ҳазор дона китоб тақдим намуд.                Тавре ба мухбири АМИТ «Ховар» аз маркази матбуотии Вазорати фарҳангхабар доданд, китобҳои тақдимгардида, аз қабили «Шарафномаи миллат»-и М. Лутфуллоев, «Меъмори ваҳдат»-и Султон Мирзошоев ва Шодон Ҳаниф, «Қудрати ҷонофарин«-и Мӯъмин Қаноат ва ғайраҳо мебошад.               Ба қавли директори муассисаи хайрияи «Сарпараст» Маҳмудҷон Муродов, китобҳо дар матбааи худи муассиса бо маблағҳои он ба табъ расиданд.               «Ҳадафи асосии тақдими китобҳо агар аз як тарафи супориши Президенти кишвар бошад, аз тарафи дигар китоб дар китобхона бошад, беҳтар аст. Зеро ба насли наврас дастрас кардани китобҳои нав кори хайр аст»,- гуфт М. Муродов.              Директории муассиса афзуд, ки ният доранд ояндаи наздик 20 ҳазор нусха китобро ба тамоми китобхонаҳои ҷумҳурӣ ба таври ройгон тақсим кунад.               Бояд ёдрас шуд, ки китобҳои мазкур тавассути «Корвони китоб»-и Вазорати фарҳан , рўзҳои наздик дар байни китобхонаҳои тобеи вазорат тақсим карда мешаванд.