ТАНИ СИҲАТ, ТОҶИ ДАВЛАТ

                    Истаравшан, 16 апрел. (АМИТ «Ховар», Ҳусейни Нарзулло). -Варзиш асоси саломатӣ ва тани сиҳати омма аст. Аз ин рӯ, мо ба доир намудани чорабиниҳои варзишӣ низ таваҷҷӯҳи хоса зоҳир менамоем, — мегуяд сардори раёсати кор бо ҷавонон, туризм ва тарбияи ҷисмонии дастгоҳи раиси шаҳри Истаравшан Муродҷон Сангинов.                      Бино ба гуфтаи мавсуф дар мактаби спортии бачагону наврасони шаҳри Истаравшан чемпионати шаҳр оид ба волейбол доир гардид, ки дар он 18 дастаи корхонаву ташкилот, муассиса ва ҷамоатҳои деҳоти Истравшан ширкат варзиданд.                     Аз рӯи натиҷаҳои ҷамъбасти мусобиқа дастаи волейболбозони «Ниҷони»-и ҷамоати деҳоти Ниҷони соҳиби ҷои аввал, дастаи «Қалъачаи Калон» — и ҷамоати деҳоти Қалъачаи Калон сохиби чои дуввум гардида чои сеюмро бошад, волейболбозони шуъбаи корхои дохилии шахр ишгол намуданд.                                                                     Таҳрири Жасмин Назарова